{ ظرف طارق }

Adminstore عدد الرسائل : 142 تاريخ التسجيل : 15/02/2007

${ ظرف طارق } Zarf_tarek_i_LRG$

القصه:
و تدور أحداث الفيلم في أطار من الكوميديا حول شاب يعجب بفتاة لكن هذه الفتاة تعيش حياتها كلها مع عبد الحليم حافظ وأغانيه الامر الذى يدفع هذا الشاب الى تجسيد شخصية عبد الحليم حافظ لكي ينال على أعجابها . فماذا سيحدث عندما ترى أحمد حلمي متقمس شخصية العندليب ؟؟
تاريخ العرض :01/04/2006
النوع:كوميدي
القصة :محمد فاضل
الموسيقى :عمرو اسماعيل
المنتاج :خالد مرعى
المخرج :وائل احسان
المنتج :الاخوة المتحدين للسينما والباتروس للانتاج الفنى

---------------------------------------------------------

"ظرف طارق" ... كوميديـا جنــان!!

القصــــة
ينتمي الفيلم لنوعية الكوميدي لايت رومانسي، و اعتمدت القصة بشكل كبير جدا على كوميديا الموقف مع بعض القفشـات الجديدة من صنع (حلمي) .. يمكن القصة مش جديدة خصوصًا إن في طابع مميز لأفلام (حلمي) اللي بتعتمد على الشاب الضعيف الذي يعاني من النقص بسبب طبيعته الجسمانية .. زي ما شوفنا في "ميدو مشاكل" و "زكي شـان" .. و كمان فكرة إنه لازم يتغير عشـان يلفت نظر حبيبته ليه سبق و ناقشناها قبل كدة في أفلام "صعيدي في الجامعة الأمريكية" (كاجولوه .. روشنوه) و كذلك "عيـال حبيبة" (و خلاص هاعمل نيولوك) ..
الإخــراج
إخراج (وائل إحسـان) كان جميل .. بدأ تتر المقدمة بمشهد النهاية لما (نــور) هربت من عريسها و راحت لمقابلة (حلمي) .. و لو أني أعتقد إن ده مناسب أكتر في الأفلام البوليسية و الأكشن ..
بعض المشاهد كنت بحسها مملة شوية .. و قد وجدت للمفارقات الكوميدية فقط .. زي مشهد الشريط اللي سف .. و مشهد الماتش اللي جمع بينه و بين (مجدي كامل).
من أجمل مشاهد الفيلم إخراجًا مشهده و هو رايح يقابل (نــور) لما عرف إنها خلاص اتخطبت و إصراره على إنه يطلع لها رغم إنه بيخاف من الأماكن المرتفعة .. مع أغنية تامر حسني (هوصلك) اللي عبرت كلماتها بشكل رائع عن الحالة الرومانسية الدرامية اللي بيعيشها البطل و البطلة ساعتها .. أداء (حلمي) كان فوق الرائع .. صادق و معبر .. و كذلك (نــور).
الأغاني كانت متوظفة كويس جدا .. و كلماتها و ألحانها حلوة سواء "قول ألوو" المشبعة بالكوميديا أو (هوصلك) اللي لخصت مشاعر لحظة الفراق بين البطلين كما ذكرت سابقًا.
أداء الممثلين
- أحمد حلمي: انت كوميديان رائع .. مع صدق في التعبير خصوصًا في المشاهد الرومانسية .. و نتمنى نشوفك في أفلام كوميدية أكثر عمقًا .. و أدوار أكثر تعقدًا .. لأنك بالفعل موهوب.
- نـــور: وجه برئ و مريح على الشاشة .. هدوء و إقناع في الأداء .. و لكنه لا يضاهي في نظري أداءها في "ملاكي إسكندرية".
- مجدي كامل: أدى دور الشاب الهلاس الذي يهوى العلاقات الخاصة كويس .. و إن كان مش لايق عليه أوي ..
لكنه كان خفيف الظل .. و لا يشعرك بالملل.
- خالد الصاوي: هدي أعصابك شوية يا مـان .. دوره كان مفتعل أوي بصراحة ..
و مشهده اللي تظاهر بإنه بيعيط فيه لحلمي بسبب البنت اللي كلف (حلمي) بإنه يبحث عنها كان أسوأها أداءً.

إجمالاً .. الفيلم ظريف و مسلي .. حالة جميلة من الكوميديا و الرومانسية .. و لكنه للمتعة الوقتية فقط